2025-nji ýylyň 11-nji noýabrynda Jemgyýetçilik guramalarynyň merkeziniň mejlisler jaýynda Türkmenistanyň Halk Maslahaty, Türkmenistanyň Mejlisi, Türkmenistanyň Syýasy partiýalary we jemgyýetçilik guramalary bilen bilelikde guramaklarynda «Gahryman Arkadagymyzyň, Arkadagly Gahryman Serdarymyzyň öňe sürýän halkara başlangyçlary – halkara hyzmatdaşlygyň, dost-doganlyk gatnaşyklarynyň döwrebap ýörelgeleri» atly maslahat geçirildi. Maslahata Türkmenistanyň Mejlisiniň, Halk Maslahatynyň, ýurdumyzyň jemgyýetçilik guramalarynyň, syýasy partiýalaryň, ministrlikleriň we pudaklaýyn dolandyryş edaralarynyň, köpçülikleýin habar beriş serişdeleriniň wekilleri, ýokary okuw mekdepleriniň professor-mugallymlarydyr talyplar gatnaşdylar.
