TDP-niň Görogly etrap komiteti

Berkarar döwletiň bagtyýarlyk döwri her bir türkmen raýatynyň kalbynda egsilmez joşgun, ýaşaýşa söýgi döredýär. Ajaýyp zamanamyzda hormatly Prezidentimiziň tagallalary bilen, ata-baba däp-dessurlarymyz, gadymdan gelýän milli ýol-ýörelgelerimiz gaýtadan dikeldilýär. Ata-babalarymyzyň kyn günde syrdaş, ýow günde gardaş saýan bedewine goýulýan hormat hem şu ajaýyp bagtyýarlyk döwründe has uly. Gadymy däplerimizi, milli atşynaslyk ýolumyzy dikeldip beren Gahryman Prezidentimiziň hut özi türkmen bedewine erk etmekde ýaşlara nusga alarlyk görelde mekdebi bolupdurýar.

Berkarar döwletiň bagtyýarly döwründe hormatly Prezidentimiziň alyp barýan döwlet syýasatyny wagyz etmekde, jemgyýetiň demokratik kadalaryny we halkymyzyň agzybirligini pugtalandyrmakda, raýat bilen jemgyýetiň, döwletiň özara baglanyşygyny üpjün etmekde jemgyýetçilik-syýasy guramalaryň ähmiýeti örän uly.

Türkmen halky taryhyň dürli döwürlerinde hem zenanlara uly hor mat goýup gelen halkdyr. Zenan mertebesini belent tutmak türkmeniň milli ynsanperwer ýörelgelerinden gözbaş alýar. Halkymyz zenanlara ýaşaýşyň gözelligi, jemgyýetiň gönezligi hökmünde garapdyr. Türkmen halkynyň taryhynda uly yz galdyran zenan şahsyýetleriň bolmagy hem aýdylanlaryň aýdyň subutnamasydyr. Altynjan hatyn, Türkan hatyn, Zerinaý, Tumar şa ýaly şahsyýetleriň öz döwründe taryhy-syýasy wakalara öz täsirlerini ýetirendikleri hakynda maglumatlar bar.