TDP-niň Gumdag şäher komiteti

Biz Balkan welaýatynyň ýaşaýjylarynyň uly topary bolup, Türkmenistanyň Halk Maslahatynyň işine işjeň gatnaşdyk. Onda hormatly Prezidentimiziň çuň manyly çykyşyny uly höwes bilen diňledik.

Hormatly Prezidentimiz Gurbanguly Berdimuhamedowyň öňdengörüjilikli syýasaty netijesinde röwşen geljege ynamly barýan Garaşsyz, hemişelik Bitarap Türkmenistanda durmuşa geçirilýän özgertmeler esasynda üpjün edilýän abadan, asuda hem bagtyýar ýaşaýyş ýurdumyzda kanunçylyk ulgamynyň pugtalandyrylmagy bilen gönüden-göni baglanyşyklydyr. 

Hormatly Prezidentimiz ýurdumyzy ylmyň, bilimiň we medeniýetiň merkezine, abadan, eşretli durmuşyň gülleýän mekanyna öwürdi. Mähriban halkymyzyň jan aýaman yhlas bilen halal zähmet çekmegi netijesinde döwletimiz görlüp-eşidilmedik depginler bilen ösýär, berkeýär we gözümiziň alnynda düýbünden täze, ajaýyp keşbe girýär.

TDP-niň Gumdag şäher komitetiniň guramagynda şäheriň medeniýet bölüminde, sport we ýaşlar syýasaty bölüminde hem-de birnäçe orta mekdeplerinde «Türkmenistan — Bitaraplygyň mekany» ýyly mynasybetli wagyz nesihat çäreleri geçirildi.

Geçen hepdede Gumdag şäherindäki  5-nji orta mekdepde şäheriň edara kärhanalarynyň we guramalarynyň işgärleriniň gatnaşmaklarynda dabaraly maslahat geçirildi.