Türkmenistanyň Demokratik partiýasynyň Daşoguz şäher komiteti we ilkinji partiýa guramalary hormatly Prezidentimiziň alyp barýan ynsanperwer içeri we parahatçylyk söýüjilikli daşary syýasatyny, il bähbitli, ýurt ähmiýetli beýik işlerini, durmuşa geçirilýän täze başlangyçlaryny halk köpçüligine giňden düşündirmekde netijeli işleri alyp barýar. «Pähim-paýhas ummany Magtymguly Pyragy» ýylyna bagyşlanan syýasy, medeni-köpçülik çärelere giňden orun bermek bilen bir hatarda Arkadagly Gahryman Serdarymyzyň halkymyza sowgat beren kitaplarynyň many-mazmunyny, olaryň baý taryhy maglumatlaryny, ýaşlary watansöýüjilik ruhunda terbiýelemekdäki ähmiýetini giň halk köpçüligine ýetirmekde şäher häkimligi, beýleki jemgyýetçilik guramalary, bilim, saglygy goraýyş, medeniýet we sport edaralarynyň wekilleri, Türkmenistanyň Mejlisiniň deputatlary bilen agzybirlikde wagyz-nesihat çäreleri, düşündiriş işleri yzygiderli geçirilýär.
TDP-niň şäher komiteti tarapyndan Magtymguly Pyragynyň doglan gününiň 300 ýyllygyny dabaralandyrmak maksady bilen, aýdym-sazly dabaraly maslahatlaryň, döredijilik duşuşyklarynyň yzygiderli geçirilýändigi uly buýsanç döredýär.
Işjeň partiýa agzalarymyz Arkadagly Gahryman Serdarymyzyň, eziz Diýarymyzyň Ýer ýüzündäki at-abraýyndan, şan-şöhratyndan we beýik başlangyçlaryndan, ynsanperwer ýörelgelerinden ruhlanyp, iri möçberli özgertmeleriň durmuşa geçirilmegine mynasyp goşant goşýarlar. Ilkinji partiýa guramalarynda, zähmet toparlarynda, ilat arasynda geçirilýän syýasy-köpçülik işiniň hilini has-da gowulandyrmak ugrunda netijeli işler alnyp barylýar.
Ilkinji partiýa guramalarynyň işini hormatly Prezidentimiziň öňümizde goýan wezipeleri esasynda guramak biziň baş maksadymyzdyr. Şu esasda hormatly Prezidentimiziň alyp barýan adyl, parasatly, ynsanperwer içeri we daşary syýasatyny, hukuk we kanunçylyk ulgamyndaky özgertmelerini, milli Maksatnamalary halk köpçüligine gyzgyny bilen ýetirmek ugrunda netijeli işleri alyp barýarys. Ýörite iş meýilnamamyz esasynda guraýan partiýa sagatlarymyzyň, wagyz-nesihat çärelerimiziň, bäsleşiklerimiziň ählisi täze döwrüň bedew batly ösüşleri bilen utgaşýar.
Partiýamyz döwlet bilen halkyň, jemgyýet bilen şahsyýetiň arasyndaky jebisligi, agzybirligi berkitmek bilen, ýurdumyzyň gülläp ösmeginiň hatyrasyna Watanymyzyň bähbitlerini gorap çykyş edýär. Halkymyzyň medeni-ruhy ösüşini, sagdyn durmuşyny üpjün etmekde, ýaş nesilleri watansöýüji, zähmetsöýer we ruhubelent adamlar edip ýetişdirmekde, ýurdumyzda sporty we bedenterbiýäni ösdürmekde ähli jemgyýetçilik-syýasy guramalar bilen birlikde sazlaşykly işleri alyp barýar.
Aýsoltan Nurmedowa, TDP-niň Daşoguz şäher komitetiniň bölüm müdiri
"Daşoguz habarlary" welaýat gazeti
16.05.2024 ý
